nigériyediki xoléra yuqumi sewebidin 94 adem öldi
gherbiy afriqa döletliridin nigériyediki xoléra yuqumi sewebidin bu yil (2023) kirgendin buyan jénidin ayrilghanlarning sani 94 ke yetti.
türkiye awazi radiyosi xewiri: nigériye késelliklerni kontrol qilish merkizining bildürüshiche, aldinqi ay (2023-yili awghust) da nigériyening 23 ölkiside 201 kishi xoléra yuqumi bilen yuqumlanghan.
nigériyede bu yil kirgendin buyan 2860 kishi xoléra yuqumi bilen yuqumlanghan, xoléra yuqumi sewebidin jénidin ayrilghanlarning sani 94 ke yetken.
melumatlargha qarighanda, «wibro» baktériyesi, yémeklik we su arqiliq tarqilidighan xoléra yuqumi aldi bilen ich sürüshni, andin bedende susizliqni keltürüp chiqiridiken. eger dawalanmisa, késellik ölüm xewpini keltürüp chiqiridiken.
nigériyede pakize su kemchil bolghandin bashqa, dawalash yétersizlikimu késellik we ölüm xewpini ashuruwetmekte iken.
bu dölette bezgek, balilar késellikliri we maymun chéchiki wirusi qatarliq yuqumluq késelliklermu keng tarqalmaqta iken.
