riyad pelestin mesilisining téz we üzül - késil hel qilinishi kéreklikini tekitlidi
seudi erebistan tashqi ishlar weziri feysal bin ferxan, ottura sherqning bixeterliki üchün pelestin mesilisige jiddiy we etrapliq hel qilish charisini izdesh tirishchanliqlirining süritini ashurush kéreklikini otturigha qoydi.
2041433
türkiye awazi radiyosi xewiri: seudi erebistanning «elxbariyye» qanilining xewirige qarighanda, feysal bin ferxan birleshken döletler teshkilati (b d t) ning 78- nöwetlik omumiy kéngesh yighinidiki sözide, pelestin mesilisi toghrisida toxtilip: «seudi erebistan padishahliqi ottura sherqning bixeterlikining pelestin mesilisini adil we etrapliq hel qilishni tézlitishni telep qilidighanliqini tekitleydu» dégen.
u pelestin mesilisi toghrisida: «padishahliq xelqara qanungha xilapliq qilghan we hel qilish yoligha buzghunchiliq qilidighan bir barliq tereplime tedbirlerni ret qilidighanliqini yene bir qétim eskertidu» dégenlerni qeyt qilghan.
