b d t: süriyege insanperwerlik yardem yetküzüsh xizmitidin xursenmiz
birleshken döletler teshkilati bash katipi antoniyo gutérrés türkiyening xatay wilayitining reyhanli nahiyesidiki jilwegözü chégra éghizidin süriyening gherbiy shimaligha insanperwerlik yardem buyumlirini yetküzüsh xizmitidin xursen ikenliklirini bildürdi.
türkiye awazi radiyosi xewiri: birleshken döletler teshkilati bash katipining ishxanisi teripidin élan qilinghan yazma bayanatta, türkiyening xatay wilayitining reyhanli nahiyesidiki jilwegözü chégra éghizining birleshken döletler teshkilatining insanperwerlik yardem paaliyetliri üchün intayin muhimliqi, süriyede insanperwerlik yardemge bolghan éhtiyajning barghanséri éshiwatqanliqi, bash katip gutérrésning birleshken döletler teshkilatigha eza döletlerni bu heqte téximu köp tirishchanliq körsitishke chaqirghanliqi tekitlinip mundaq déyildi: «bash katip gutérrés hayatliqni qutquzush yardemlirini türkiyediki jilwegözü chégra éghizidin süriyening gherbiy shimaligha yetküzüsh xizmitidin intayin xursen.»
birleshken döletler teshkilati tünügün texminen 2 yérim ay ötkendin kéyin, jilwegözü chégra éghizi arqiliq süriyening gherbiy shimalidiki idlib wilayitige 17 yük aptomobilliq insanperwerlik yardem buyumliri yetküzüp bergenidi.
birleshken döletler teshkilatining chégra halqighan yardem méxanizmining wezipe ötesh mudditi 10-iyul axirlashqandin kéyin, süriyening gherbiy shimaligha héchqandaq yardem ewetlmigenidi.
