ماراكەشتىكى يەر تەۋرەشتە قازا قىلغانلار سانى 2862 گە يەتتى
ماراكەشتىكى يەر تەۋرەشتە ھاياتىدىن ئايرىلغانلار سانىنىڭ 2862 گە، يارىلانغانلار سانىنىڭ 2562 گە يەتكەنلىكى بىلدۈرۈلدى.
2036355
تۈركىيە ئاۋازى رادىيوسى خەۋىرى: ماراكەش ئىچكى ئىشلار مىنىستىرلىقى 8- سېنتەبىر كەچتە يۈز بەرگەن يەر تەۋرەشكە ئالاقىدار ئەڭ يېڭى ئۇچۇرلارنى جامائەتچىلىككە ئېلان قىلدى.
مىنىستىرلىقنىڭ باياناتىدا، ماراكەشتىكى 7 بال يەر تەۋرەش نەتىجىسىدە ھاياتىدىن ئايرىلغانلار سانىنىڭ 2862گە، يارىلانغانلار سانىنىڭ 2562 گە يەتكەنلىكى قەيت قىلىندى.
9- ئاينىڭ 8- كۈنى كەچتە ماراكەشتە 7 بال يەر تەۋرىگەن بولۇپ، يەر تەۋرەش مەركىزى ماراكەشنىڭ ئەلخۇز رايونى ئىكەنلىكى بىلدۈرۈلگەنىدى.
يەر تەۋرەش ماراكەشتىن باشقا، پايتەخت رابات ۋە كاسابلانكا، مەكنەس، ئاغادىر ۋە فەس شەھەرلىرىگىمۇ تەسىر كۆرسەتكەنىدى.
