мәккәдә мәктәпләрдә оқутуш бир күн тохтитилди
сәуди әрәбистанниң мәккә шәһиридә кечидә башланған гүлдүрмамилиқ йамғур вә боран - чапқун сәвәбидин мәктәпләрдә оқутуш бир күн тохтитилди.
2028143
түркийә авази радийоси хәвири: сәуди әрәбистан рәсмий хәвәр агентлиқиниң хәвиригә қариғанда, мәккә мукәррәмә маарип идариси йерим кечидә башланған гүлдүрмамилиқ йамғур вә боран - чапқун сәвәбидин чаршәнбә күни мәктәпләрдә оқутушниң бир күн тохтитилғанлиқини уқтурған.
хәвәрдә дейилишичә, гүлдүрмамилиқ йамғур вә боран – чапқун тохтиғандин кейин, мәктәпләрниң әһвали көздин кәчүрүлидикән.
бир қисим иҗтимаий алақә таратқу абонтлириниң торда мәккәдин һәмбәһирлигән учурлар, һәрәм әтрапидики инсанларниң боран-чапқун сәвәбидин йолларда түрлүк қийинчилиқларға учриши, кәбәдә мусулманларниң қара йамғур астида намаз оқумақчи болуши вә чақмақниң саәт мунариға соқулуши қатарлиқ көрүнүшләрни өз ичигә алидикән.