pakistanda yüz bergen poyiz weqeside jénidin ayrilghanlarning sani ashti
pakistanning nawabshah shehiri etrapida bir yoluchilar poyizining rélistin chiqip kétishi netijiside 30 kishi jénidin ayrildi, 90 din artuq kishi yarilandi.

türkiye awazi radiyosi xewiri: pakistan tömür yol ministiri xawaqa saad rafiq muxbirlargha melumat bérip, karachidin rawalpindigha qarap yolgha chiqqan yoluchilar poyizining 10 wagonining nawabshah shehiri etrapida rélistin chiqip ketkenlikini qeyt qildi.
u weqening «téxnikiliq kashila» yaki «buzghunchiliq »sewebidin yüz bergen bolushi mumkinlikini eskertti.
pakistan bash ministiri shahbaz sherif poyiz weqeside jénidin ayrilghanlargha allahtin rehmet tilidi.
u: «hemmimiz dua qiliwatimiz, allah jénidin ayrilghanlarning hemmisige jennet ata qilsun, yarilanghanlargha allahtin shipaliq tileymen» dédi.
weqe yüz bergende, poyizda qanche kishining barliqi toghrisida héchqandaq melumat bérilmidi.
pakistanda 2021-yili iyun éyidimu ikki poyiz özara soqulup kétish weqesi yüz bergen bolup, weqede 63 yoluchi jénidin ayrilghan idi.
مۇناسىۋەتلىك خەۋەرلەر

parizhda süriye mesilisi yighini ötküzüldi
firansiyening paytexti parizhda xelqara süriye mesilisi yighini chaqirildi.