amérikada qulluqqa xatime bérish xatire küni paaliyetliri ötküzüldi
amérika qoshma ishtatlirida 1865 - yili 19 - iyun qulluqqa xatime bérilgen bolup, bu munasiwet bilen, fédératip dem élish küni dep élan qilinghan juntéyin (19 - iyun), döletning nurghun ishtatlirida her xil paaliyetler ötküzülüp tebriklendi.
türkiye awazi radiyosi xewiri: amérika qoshma ishtatliridiki qara tenliklerge qilinghan zorawanliq we sélinghan zulumni eslesh dairiside, hepte axiri we tünügün yeni 19 - iyun her xil paaliyetler ötküzüldi.
amérika pirézidénti jo baydin teripidin 2021 - yili fédératsiye bayrimi dep élan qilghan 19 - iyun tebriklesh paaliyetliri paytext washington, mariland we kaliforniye qatarliq nurghun ishtatlarda asasliqi köngül échish paaliyetliri we dala seylisi shekilide ötküzüldi.
afriqa tamaqliri teqdim qilinghan tebriklesh paaliyetlirige qatnashqan nurghun qara tenlik amérikaliqlar, afriqa - amérika medeniyitini eks ettüridighan kiyimlerni kiyip, «afriqa naxsha - muzikiliri» bilen köngül achti.
senet dunyasining qara tenlik naxshichisi béonsé hepte axirida qatnashqan 19 - iyun paaliyitide shiona turini we juliya sarr - jamois qatarliq dangliq qara tenlik kiyim layiheligüchiler teyyarlighan kiyimlerni kiydi.
xelqning 19 – iyun künini tebrikiligen baydin shexsiy adrésidiki uchurida, 19 - iyun fédératsiye bayrimining «simwolluq isharet»tin ibaret emeslikini, uning «qulluqqa oxshash chong xataliqni ipadilesh»tin dérek béridighanliqini qeyt qildi.
