niyu york asminidiki is-tütek kilimat kirizisining simwoli

türkiye awazi radiyosi xewiri: b d t bayanatchisi stéfan dujarik kündilik muxbirlarni kütüwélish yighinida, kanadadiki orman ot apitining insanlar keltürüp chiqarghan kilimat kirizisi bilen munasiwiti bar-yoqluqi toghrisida héchqandaq chüshenche bérilmigenlikini bildürdi.

u, yene bir tereptin, hawa bulghinishining adette kishilerning paaliyiti bilen munasiwetlik ikenlikini éytti.

u kanadadiki ot apitining kilimat mutexessisliri we alimlarning témpératuraning örlishi toghrisidiki agahlandurushi bilenmu munasiwetlik ikenlikini eskertip: «niyu york asminini is-tütek  qaplishi we dunyaning nurghun jayliridiki nachar hawa rayi, kilimat kirizisining simwoli» dédi.

u b d t bash katipi antoniyo gutérrésning tashqa aylanghan yéqilghu ishlitishni azaytishni izchil tekitlep kelgenlikini eskertip, dunyaning paytexti bolghan niyu yorkta bundaq ehwalgha shahit bolushning, kishilerni heriketke keltürüshike seweb bolushini ümid qilidighanliqini tilgha aldi.

b d t bash katipi gurérrés twittérda uchur hemberlep: «niyu yorktiki merkizimizde kanadadiki ot apiti sewebidin nachar hawa rayining tesirini hés qiliwatimiz. yer shari issip kétiwatqan bir waqitta, orman ot apitini azaytish intayin muhim ehmiyetke ige. shunga biz choqum tebiet bilen yarishishimiz kérek , waz kéchelmeymiz» dédi.