israiliye qisimliri pelestinlik mehbusning öyini chiqip tashlidi
israiliye qisimliri ishghaliyet astidiki gherbiy qirghaqta pelestinlik mehbus islam el faruhning öyini chiqip tashlawatqan peytte yüz bergen malimanchiliqta 16 pelestinlik yarilandi.
türkiye awazi radyosi xewiri: israiliye armiyesige qarashliq bir etret ramallahtiki islam el faruhning ailisidikiler turushluq öyning astigha partlatquch orunlashturdi. partlash töt qewetlik binaning ikkinchi qewitigiche tesir körsetti.
bu jeryanda, öyning weyran qilinishigha naraziliq bildürgen etraptiki yashlar bilen israiliye eskerliri otturisida malimanchiliq yüz berdi. eskerler rast we plastik oq ishletti, pelestinlik yashlar tash étip qarshiliq körsetti.
weqede 16 pelestinlik yarilandi, onlighan pelestinlik gaz bombisining éghir tesirige uchridi.
israiliye dairiliri 2023-yilining béshidin mayning axirighiche, ishghaliyet astidiki sherqiy quddusta pelestinliiklerge tewe 104 binani «ijazetnamisi yoq» dégen bahane bilen chéqip tashlidi.
israiliye qisimliri pelestinliklerni «hujum qildi» dégen bahane bilen eyiblep, nazaretke élip türmige tashlashtin bashqa yene, öylirini chéqip tashlash arqiliqmu jazalimaqta.
pelestinlik islam el faruh gherbiy quddustiki oxshimighan ikki nuqtida aptobus békitige yéqin jayda, bomba hujumi teshkillesh bilen eyiblinip 2022-yili 27-dékabirda qolgha élinghan idi.
