maduro: türkiye we seudi erebistan ziyaritim muweppeqiyetlik ötti

wénézuéla pirézidénti nikolas maduro türkiye we seudi erebistan ziyaritining «intayin muweppeqiyetlik» ötkenlikini bildürdi.

1997096
maduro: türkiye we seudi erebistan ziyaritim muweppeqiyetlik ötti
maduro-prens selman.jpg
erdogan-maduro.jpg

türkiye awazi radiyosi xewiri: wénézuéla pirézidénti nikolas maduro ammiwi ortaqlishish tor bétidiki sehipiside élan qilghan bayanatida, türkiye jumhuriyiti jumhur reisi rejep tayyip erdoghan we seudi erebistan text warisi shahzade muhemmed bin selman bilen birlikte chüshken xatire süretlirini hembehirlidi.

u bayanatida, wénézuélaning türkiye we seudi erebistan bilen qurghan mustehkem hemkarliq munasiwetlirining muweppeqiyetlik halda dawamlishiwatqanliqini tekitlep mundaq dédi: «bizning türkiye, seudi erebistan qatarliq dostane döletlerdiki xelqaraliq diplomatik paaliyetler küntertipimiz toluq muweppeqiyetlik boldi, shundaqla istiratégiyelik sahelerde mustehkem, özara yardem bérish we hemkarliq köwrükini sélishimizgha sharait yaritip berdi. yéngi dunyada hemkarliqni yenimu kücheytish we munasiwetlerni téximu mustehkemlesh iradimiz qetiy.»

wénézuéla pirézidénti nikolas maduro 3-iyun küni (2023) paytext enqerediki jumhur reislik mehkimiside ötküzülgen «wezipe öteshke bashlash murasimi» gha qatnashqanidi.

u tünügün (7-iyun) seudi erebistanning jidde shehiridiki «salam sariyi» da, seudi erebistan text warisi shahzade muhemmed bin selman bilen bir yerge jem bolghanidi.



مۇناسىۋەتلىك خەۋەرلەر