kaxowka tosmisi hujumgha uchrap 14 mingdin artuq öy su astida qaldi

türkiye awazi radyosi xewiri: ukrainaning xérson rayonida rusiyening kontrolluqidiki kaxowka tosmisi seyshenbe küni hujumgha uchrighandin kéyin, tarqaqlashturush we ziyanni éniqlash xizmetliri dawamlashmaqta.

ukraina hökümiti 600 kiwadrat kilométir (chongluqi 84 ming putbol meydanigha teng kélidighan) rayonning su astida qalghanliqini élan qildi.

rayondiki rusiye terepdari hökümet tosmining örülüp chüshüshi netijiside, besh kishining jénidin ayrilghanliqini élan qildi.

ukraina rayondiki ahalilerni mina xewpige qarshi agahlandurdi.

agahlandurushta, su basqan rayondiki minalarning su yüzige örligen bolushi mumkinliki bildürüldi.

su basqandin kéyin, rayonda partlighan minalarning körünüshliri ijtimaiy taratqularda hembehirlendi.

rusiye we ukraina her ikkisi rayondin tarqaqlashturush xizmetlirini élip barmaqta.

ukraina armiyesi xérsonda öyide qapsélip qalghan bir ailige uchqu bilen su yetküzüp bergen deqiqilerning körünüshlirini hembehrlidi.

su bésip kétish netijiside minglighan haywanlar halak bolup, kaxowka tosmisidiki béliqlar qirghaqqa chiqip qaldi.

rusiye bilen ukraina bir-birini kaxowka tosmisini hujum nishani qilish bilen eyiblimekte.