blinkén xitayda ziyarette bolushqa teyyarlanmaqta

türkiye awazi radiyosi xewiri: wal strit zhurnal gézitining amérika we xitay emeldarlirini menbe qilghan xewiride körsitilishiche, ministir antoni blinkénning mushu ayning axirida xitayni ziyaret qilishi mumkin iken.

amérika tashqi ishlar ministiri antoni blinkénning féwral éyida, téximu éniq qilip éytqanda, xitay bilen amérika otturisida jiddiychilik peyda qilghan «jasus shar» weqesidin ilgiri xitayni ziyaret qilishni pilanlighanliqi eslep ötülgen xewerde, nöwette her ikki terepning blinkénning ziyaritige teyyarliq qiliwatqanliqi qeyt qilindi.

ministir blinkénning béyjingda xitay kompartiyesi merkiziy tashqi munasiwetler komitéti ishxanisining mudiri wang yi, xitay tashqi ishlar ministiri chin gang we bashqa yuqiri derijilik emeldarlar bilen körüshüshining pilanliniwatqanliqigha isharet qilinghan xewerde, antoni blinkénning xitay dölet reisi shi jinping bilen körüshüsh – körüshmeslik mesilisde arisalda bolup qalghanliqi eskertildi.

antoni blinkén amérika hawa boshluqigha kirgen sharning étip chüshürüwétilishi peyda qilghan kirizis sewebidin féwral éyidiki xitay ziyaritini emeldin qaldurghanidi.

kirizis sewebidin diplomatik munasiwetler körünerlik derijide üzülüp qalghan bolsimu, amérika dölet bixeterlik meslihetchisi jeyk sulliwan bilen xitayning pishqedem diplomati, xitay kompartiyesi merkiziy tashqi munasiwetler komitéti ishxanisining mudiri wang yi 10- maydin 11- mayghiche awstiriyening wiyénna shehiride söhbet ötküzüp, munasiwetlerni eslige keltürüsh yolida qedem tashlighanidi.