ékwadorda kelkün apitide 15 ming adem talapetke uchridi
jenubiy amérika döliti ékwadorda qara yamghur keltürüp chiqarghan kelkün apitide 15 ming kishi talapetke uchridi.
türkiye awazi radiyosi xewiri: ékwador taratqulirining xewirige qarighanda, qara yamghur ékwadorning gherbiy shimalidiki ésméral shehiride kelkün apitini keltürüp chiqarghan.
ékwador uchur – alaqe katibat bashqarmisining bildürüshiche, kelkün apitide 15 ming kishi talapetke uchrighan, 842 kishi waqitliq panahlinish orunlirigha orunlashturulghan, 1467 kishi xelq mudapie etriti teripidin qutquzuwélinghan.
ékwador uchur – alaqe katibat bashqarmisining bayanatida tekitlinishiche, bir ayliq höl-yéghin hésablinidighan qara yamghur 12 saet ichide yaghqanliqi sewebidin, hazirghiche 2 ming 895 öy – makan ziyangha uchrighan.
bayanatta körsitilishiche, izdesh – qutquzush paaliyetliri üzlüksiz dawamlishiwatqan bolup, bezi rayonlarda tok we ichimlik su mulazimiti bilen teminlesh téxiche eslige kelmigen.
