afghanistandiki suyiqestning jawabkarliqini daésh öz üstige aldi
afghanistanning bedexshan wilayitide taliban teripidin wezipige teyinlengen muawin waliy mewliwi nisar ehmed ehmedini qestlep öltürüsh weqesining jawabkarliqini térrorluq teshkilati daésh öz üstige aldi.
türkiye awazi radiyosi xewiri: térrorluq teshkilati daésh ammiwi ortaqlishish tor bétidiki sehipiside élan qilghan bayanatida, tünügün (6-iyun) etigen tereplerde yüz bergen süyiqestning jawabkarliqini öz üstige aldi.
afghanistanning bedexshan wilayitining merkiziy nahiyesi feyzabadning mehkime meydanida, bedexshan wilayitining muawin waliysi mewliwi nisar ehmed ehmedi süyiqestke uchrap, hayatidin ayrilghanidi.
9-mart küni afghanistanning belx ölkisining waliy mehkimisi binasida yüz bergen we térrorluq teshkilati daésh öz üstige alghan bomba hujumida, taliban waqitliq hökümitining waliysi mehmud dawud muzemmil qaza qilghanidi.
2021 - yili awghust éyida talibanning hakimiyet béshigha chiqishidin kéyin, daésh taliban ezaliri we puqralargha qaratqan hujumlirini téximu köpeytkenidi.
