һавадики карбон төт оксид миқдариниң қорқунчлуқ дәриҗидә ешип кәткәнлики билдүрүлди

түркийә авази радийоси хәвири: америка дөләтлик деңиз-окйан вә атмосфера ишлири идариси билән калифорнийәдики Scripps Oceanography институти тәтқиқатчилири, америка дөләтлик деңиз-окйан вә атмосфера ишлири идарисиниң атмосфера асасий өлчәш понкитида өлчәнгән карбон төт оксид миқдариниң әң йуқири сәвийәгә йетип, һәр милйон адәмдә 424 қисимға өрлигәнликини, бу сәвийәниң «милйон йилдин буйан көрүлүп бақмиғанлиқи» ни оттуриға қойди.

пән - тәтқиқатчилар шималий йерим шардики карбон төт оксид миқдариниң 2022- йили 5- айға селиштурғанда 3.0 ppm, санаәттин илгирики дәвргә селиштурғанда %50 тин көпрәк ашқанлиқини, бу ешишниң «муқим» давамлашқанлиқини җәзмләштүрди.

атмосферадики карбон төт оксид миқдариниң инсанларни асас қилған паалийәтләрниң биваситә нәтиҗиси сүпитидә ешиватқанлиқи оттуриға қойулди.

органниң тор бетидики учур вә графикларда, карбон төт оксид нисбитиниң ешиши йеқинқи он йилдикигә охшаш давамлашқан тәқдирдә, 2035- йилиға барғанда 450 ppm ға йетидиғанлиқиниң испатланғанлиқи қәйт қилинди.