pal jonson: eng muhim ishimiz natogha toluq eza bolush

türkiye awazi radiyosi xewiri: shiwétsiye dölet mudapie ministiri jonson yaponiyelik mensepdishi yasukazu xamada bilen körüshüsh üchün barghan paytext tokyoda muxbirlarni kütüwélish yighini ötküzdi.

u 11-, 12 – iyul künliri litwa paytexti wilnyusta ötküzülüshi pilanliniwatqan nato bashliqlar yighinighiche natogha eza bolush jehette ümidwar ikenlikige isharet qilip: «shiwétsiye hökümitining eng muhim ishi eng qisqa waqit ichide natogha toluq eza bolush» dédi.

shiwétsiyening türkiye bilen wéngiriyening qararigha hörmet qilidighanliqini, nöwette türkiyening endishisini bir terep qilidighan yéngi térrorluqqa qarshi turush qanunining barliqini bildürgen jonson: «biz shiwétsiyening natogha toluq eza bolushi bilen uning shimaliy qanitining küchlinidighanliqigha ishinimiz» dégenlerni qeyt qildi.

ministir jonson dölitining ukrainani qoral bilen teminleshni dawamlashturidighanliqini we buning özliri üchün muhim ikenlikini tilgha élip, rusiyening ukraina urushida ghelibe qilishining shiwétsiye we yawropaning bixeterlik siyasitige apet élip kélidighanliqini ilgiri sürdi.

u shiwétsiyening natogha eza bolushining amérika qoshma ishtatliri we yaponiye bilen bolghan alaqisinimu kücheytidighanliqini eskertip, rusiye- ukraina urushi yawro- atlantik okyan bilen hindi- tinch okyanni bir yerge jem qilip qoyghan qoyghachqa, shiwétsiye bilen yaponiyening mushu künlerde oxshash xirislargha duch kéliwatqanliqini tekitlidi.