һиндистанда еғир пойиз вәқәси йүз берип 288 адәм қаза қилди
һиндистанниң орисса өлкисидә йүз бәргән түнүгүнки пойиз вәқәсидә 288 адәм қаза қилди, 900 дин артуқ адәм йариланди.
түркийә авази радийоси хәвири: орисса өлкисиниң баласоре райони баһанага пойиз вогзали әтрапида түнүгүн шу йәр вақти саәт 19 дин 20 минут өткәндә икки йолучилар пойизи вә бир йүк пойизи өзара соқулуп кетип, 288 адәм қаза қилди, 900 дин артуқ адәм йариланди.
вәқәдә даирисидә қаза қилғанлар саниниң көпийип кетишидин әндишә қилиниватқанлиқини әскәрткән һиндистан даирилири, һадисигә учриған йолучилар пойизиниң коромандел тез пойиз ширкити билән йашватпур- ховра тез пойизи ширкитигә тәвә икәнликини билдүрди.
шалимар вогзалидин йолға чиққан коромандел ширкити йолучилар пойизиниң ченнай мәркизи вогзалиға қарап кетиватқанлиқи қәйт қилинди.
һиндистан пирезиденти драупади мурму тивиттердики адресида байанат берип, бу бәхтсиз һадисидин чоңқур қайғурғанлиқини, вәқәдә һайатидин айрилған аилиләрниң азабини ортақлишидиғанлиқини билдүрди.
һиндистан баш министири нарендра модиму һадисиниң тәсиригә учриғанларға барлиқ зөрүр йардәмләрниң бериливатқанлиқини ейтти.
моди вәқәдә йеқинлиридин айрилип қалған аилиләргә тәзийә билдүрди, йариланғанларға шипалиқ тилиди.
