б д т: исраилийә бу йилниң дәсләпки бәш ейида 112 пәләстинликни өлтүрди
бирләшкән дөләтләр тәшкилати (б д т) бу йил киргәндин буйан исраилийәниң ишғал қиливалған шәрқий қуддус вә ийордан дәрйасиниң ғәрбий қирғиқида 112 пәләстинликни өлтүргәнликини елан қилди.
түркийә авази радийоси хәвири: б д т инсанпәрвәрлик ишлирини маслаштуруш ишханиси тәййарлиған доклатта, 2023 - йилиниң бешидин буйан исраилийә әскәрлири тәрипидин өлтүрүлгән вә йариландурулған пәләстинликләрниң сани һәққидә учур берилди.
доклатта, исраилийә қисимлириниң йил бешидин тартип 29 - майғичә болған җәрйанда шәрқий қуддус вә ийордан дәрйасиниң ғәрбий қирғиқида 107 пәләстинликни өлтүргәнлики, 429 пәләстинликни йариландурғанлиқи билдүрүлди.
доклатта йәнә, ашқун йәһудий көчмәнлириниң йил бешидин буйан пәләстинликләргә 409 қетим һуҗум қилғанлиқи؛ һуҗумларда бәш пәләстинликниң қаза қилғанлиқи, 105 кишиниң йариланғанлиқи қәйт қилинди.
доклатта, шәрқий қуддус вә ийордан дәрйасиниң ғәрбий қирғиқидики 575 пәләстинликниң өйиниң исраилийә армийәси тәрипидин вәйран қиливетилгәнликигә даир учурларғиму орун берилди.
