zéléniskiy eliyéw we makron bilen körüshti
ukraina pirézidénti wiladimir zélénskiy yawropa siyasiy gewdisi bashliqlar yighinigha ishtirak qilish üchün barghan moldawiyede ezerbeyjan pirézidénti ilham eliyéw we firansiye pirézidénti émmanuél makron bilen ayrim - ayrim körüshti.
türkiye awazi radiyosi xewiri: ezerbeyjan pirézidéntliq mehkimisi bayanat élan qilip, eliyéw bilen zélénskiyning uchrishiship, ezerbeyjan bilen ukrainaning ikki tereplik munasiwiti heqqide pikir almashturghanliqini uqturdi.
bayanatta, rehberler ezerbeyjan - ukraina ikki terep munasiwitining tereqqiyatidin memnun ikenlikini tilgha élip ötken uchrishishta, eliyéwning ukrainagha yéngi bash elchi teyinligenlikini we bu diplomatning pat yéqinda wezipe öteshni bashlaydighanliqini éytqanliqi qeyt qilindi.
zélénskiy ezerbeyjanning ukrainagha qilghan insanperwerlik yardimi we ukrainaliq balilarning ezerbeyjangha qilghan ziyaretliri üchün eliyéwge rehmet éytti we kiyéwning bu xizmetlerdin minnetdar ikenlikini tilgha élip ötti.
söhbet jeryanida, ezerbeyjan bilen ukrainaning xelqara teshkilatlar dairiside bir- birining zémin pütünlüki we igilik hoquqini qollishigha bolghan razimenlik tekitlendi.
zélénskiy firansiye pirézidénti makron bilenmu körüshti؛ makron bu heqtiki bayanatida, zélénskiy bilen körüshüp, 5- ayning 14- küni parizhda hasil qilinghan kélishimni muzakire qilghanliqini, mezkur kélishimge asasen, firansiyening hawa mudapie esliheliri bilen ukraina xelqini rusiyening hujumliridin qoghdashni meqset qilidighanliqini bildürdi.
makron ukraina hawa armiyesining éhtiyajigha asasen ukraina küreshchi ayropilan uchquchilirini meshiqlendürüshni bashlash üchün zörür bolghan teyyarliq xizmetliri toghrisidimu pikir almashturghanliqlirini sözlirige ilawe qildi.
مۇناسىۋەتلىك خەۋەرلەر
pakistan: qarabagh ezerbeyjanning igilik hoquqluq zémini
pakistan qarabaghni ezerbeyjanning igilik hoquqluq zémini dep qaraydighanliqini élan qildi.
