amérika bilen giwatémala köchmenlerge qarshi küresh istratégiyesini yolgha qoyidu

türkiye awazi radiyosi xewiri: bu heqte élan qilinghan birleshme bayanatta bildürülüshiche, ikki dölet dairiliri tertipsiz köchmenlerge qarshi küresh mesilisi toghrisida bir qatar uchrishishlarni élip barghan, buning netijiside ikki dölet hökümetliri tertipsiz köchmenlikni «insanperwerlik» asasida azaytish we köchmenler üchün qanun yollirini kéngeytip bérish üchün konkrét qedemlerni tashlashni ehde qilghan.

bayanatta tekitlinishiche, giwatémala bilen amérika qoshma ishtatliri buning deslepki qedimi süpitide «bixeter köchmenler ishxaniliri» istratégiyesi uda 6 ay yolgha qoyidiken.: tertipsiz köchmenlerni bashqurush, ularning amérika qatarliq döletlerge qanunluq halda kirishi, aile ezalirini birlikke keltürüshi we waqitliq xizmet wizisini qolaylashturushni öz ichige alghan keng dairilik bir pilanni ijra qilidiken.

bayanatta, bixeter köchmenler ishxaniliri» ning 6-ayning 12-küni tor bétidin aldin kélishish xizmitini bashlaydighanliqi eskertilip mundaq déyilgen: «amérika bilen giwatémala chégra bixeterliki mesilisidimu hemkarliqini chongqurlashturup, tertipsiz köchmenlikning asasliq seweblirini éniqlap chiqish yolida dawamliq izdinidu.»