данийә баш министири ChatGPT тәрипидин йезилған текисткә асасән нутуқ сөзлиди

түркийә авази радийоси хәвири: фредериксенниң сүний идракниң йеңилиқ йаритиш тәрәплири вә хәвплирини оттуриға қойуш мәқситидә парламентта сөзлигән нутуқиниң бир қисми параңбот — ChatGPT тәрипидин йезилди.

йеқинқи мәзгилләрдин буйан күчлүк ғулғула темиси болуп келиватқан ChatGPT ниң әһмийитини оттуриға қойған фредериксен, сүний идракниң қилалайдиған ишлириниң һәм җәлп қиларлиқ һәм қорқунчлуқ икәнликини тәкитлиди.

фредериксен сүний идракниң бир қанчә сикунт ичидә нутуқ йазалайдиғанлиқини, университет тапшуруқлири йаки доклат тәййарлийалайдиғанлиқини тилға елип: «сүний идрак кәлгүсиниң әмәс, бүгүнниң реаллиқи. сүний идрак биз техи чүшинип йетәлмигән шәкилдә җәмийитимизни өзгәртиду» дегәнләрни қәйт қилди.