baydin oqush püttürüsh murasimida yiqilip chüshti
amérika qoshma ishtatliri pirézidénti jo baydin amérika hawa armiyesi kadémiyesi oqughuchilirining oqush püttürüsh murasimida sehnide yiqilip chüshti.
türkiye awazi radiyosi xewiri: baydin kolorado ishtatidiki amérika hawa armiyesi akadémiyesi oqughuchilirining oqush püttürüsh murasimida nutuq sözligendin kéyin, oqughuchilarning diplomlirini teqdim qildi, andin sehnide putliship, tengpungluqini yoqitip, yiqilip chüshti.
jo baydin muhapizetchiliri we hawa armiyesi ofitsérlirining yardimide ornidin turdi.
aqsaray teripidin 80 yashliq baydinning ehwali heqqide téxiche resmiy bayanat élan qilinmidi.
aqsaray uchur – alaqe ishliri maslashturghuchisi bén labolt ammiwi ortaqlishish tor béti Twitter sehipiside élan qilghan bayanatida, pirézidént baydinning ehwalining yaxshi ikenlikini, baydinning qol éliship körüshken waqiitta sehnidiki bir qum xaltisigha putliship kétip, yiqilip chüshkenlikini qeyt qildi.
