gérmaniye: urush dawamlishiwatqan esnada ukrainaning nato ezaliqidin éghiz achqili bolmaydu

gérmaniye tashqi ishlar ministiri annalina bayérbok rusiye- ukraina urushi dawam qiliwatqan ehwalda, ukrainaning shimaliy atlantik ehdi teshkilati — natogha eza bolushi toghrisida éghiz achqili bolmaydighanliqini éytti.

1994135
gérmaniye: urush dawamlishiwatqan esnada ukrainaning nato ezaliqidin éghiz achqili bolmaydu

türkiye awazi radiyosi xewiri: bayérbok osloda chaqirilghan natogha eza döletlerning biresmiy tashqi ishlar ministirliri yighini dairisidiki bayanati jeryanida, ukrainaning natogha eza bolushi toghrisidiki detalashlar üstide toxtaldi.

u her qaysi döletning qaysi ittipaqqa eza bolushni özi qarar qilidighanliqini tekitlep, urush sewebidin ukraina bilen natoning hemkarliqining kücheygenlikige isharet qilghan halda: «nato her daim éniq otturigha qoyup kéliwatqan ishikni ochuq qoyush siyasiti hazirmu küchke ige. shuning bilen bir waqitta, éniqki, biz urush jeryanida yéngi ezaliq toghrisida éghiz achalmaymiz» dédi.

ministir bayérbok oslodiki yighinning 11-, 12 – iyul künliri wilnyusta ötküzülidighan nato bashliqlar yighinining teyyarliq yighini ikenlikini tilgha élip ötti.

bir yil ilgiri ispaniyening paytexti madridta ötküzülgen nato bashliqlar yighinida finlandiye bilen shiwétsiyening ittipaqqa kireleydighanliqining éniq bayan qilinghanliqini bildürgen bayérbok, gérmaniyening shiwétsiyening natogha eza bolushini toluq qollaydighanliqini qayta tekitlidi.


خەتكۈچ: #uyghurche , #nato , #ukraina , #gérmaniye

مۇناسىۋەتلىك خەۋەرلەر