xitay élon maskqa «biz sodigha ochuq» dep uchur berdi

türkiye awazi radiyosi xewiri: xitay tashqi ishlar ministirliqining bayanatigha asaslanghanda, ching gang paytext béyjingda élon mask bilen ötküzgen uchrishishida, xitayning sirtqa échiwétish siyasitide dawamliq ching turidighanliqini we bu dairide  dunyaning her qaysi jayliridin kélidighan shirketlerning meblegh sélishigha ochuq ikenlikini bildürdi.

ministir ching gang xitayning zamaniwilishishi we tereqqiyatining misli körülmigen tereqqiyat küchi yaritip, dunyagha yéngi purset sunidighanliqini ilgiri sürdi.

ching gang élon maskning igidarchiliqidiki éléktronluq aptomobil ishlepchiqarghuchi <tésla> shirkitini öz ichige alghan barliq shirketlerni bazar qaide - qanunliri asasida téximu yaxshi xelqaraliq soda muhiti bilen teminleydighanliqini tekitlidi.

ching gang xitay – amérika munasiwetlirini aptomobil heydeshke oxshitip, «saghlam, muqim we ijabiy munasiwetler üchün rolni choqum toghra yönilishke burash hemde tormuzni waqtida bésish arqiliq hadisilerning aldini élishimiz kérek» dédi.

élon maskmu amérika bilen xitayning menpeetlirining «siam qoshkézeklirige oxshash» bir birige chétishliq we bir-biridin ayrilalmaydighan halette ikenlikini tekitlep, iqtisadiy we soda munasiwetlirining üzüp tashlinishigha, zenjirlerning késilishige qarshi ikenlikini éytti.

<tésla> ning xitaygha saldiighan meblighini kéngeytishni xalaydighanliqini bildürgen élon mask, tereqqiyat pursitidin téximu köp ülüshni qolgha keltürüshni xalaydighanliqini tekitlidi.

<tésla> shirkiti shangxeyde yiligha 1 milyon éléktironluq aptomobil ishlepchiqiralaydighan «giga zawuti» ni 450 ming qoshumche aptomobil ishlepchiqiralaydighan sewiyede kéngeytishni nishan qilmaqta we shangxeyde «Megapack» dep sim qoyulghan énérgiye zapaslash üskinilirini ishlepchiqirish üchün chong tipta bir wawut qurushni pilanlimaqta.