jenubiy amérika elliri ittipaqi (UNASUR) qaytidin janlanmaqta

türkiye awazi radiyosi xewiri: sabiq pirézidént iwan dukning dewride, jenubiy amérika elliri ittipaqi (UNASUR) din ayrilghan kolumbiye, bu qétim pirézidént gustaw pétroning qarari bilen ittipaqqa qaytishni qarar qildi.

pétro tiwittér hésabidiki yazmisida jenubiy amérika elliri ittipaqi (UNASUR) gha qaytidin qoshulidighanliqini bildürüp, bu ittipaqning namining «xelqara jenubiy amérika döletliri ittipaqi» gha özgertilishni telep qildi.

jenubiy amérika elliri ittipaqi (UNASUR) din 2019-yili ayrilghan argéntina 22-martta we biraziliye 8-aprélda qaytqanliqini élan qilghan idi.

hazir jenubiy amérika elliri ittipaqi (UNASUR)  gha eza döletler wénézuéla, boliwiye, gwiyana, surinam we péru qatarliqlardin teshkil tapidu.

jenubiy amérika elliri ittipaqi (UNASUR) wénézuélaning sabiq pirézidénti hugo chawézning righbetlendürüshi bilen 2008-yili amérikaning rayondiki tesirige qarshi qurulghan idi.

jenubiy amérika elliri ittipaqi (UNASUR) gha eza alte dölet, 2018-yili  21- aprélda  ittipaqqa kimning reis bolushi kéreklikige dair talash - tartishtin kéyin, ezaliqlirini waqtinche tonglatqan idi.

bash katipni saylashta yüz bergen pikir oxshimasliqi sewebidin boliwiye, argéntina, biraziliye, chili, kolumbiye, paragway we péru eyni chaghdiki jenubiy amérika elliri ittipaqi (UNASUR) din waqitliq ayrilishni qarar qilghan idi.