gérmaniyede ötken yili 48 ming 300 süriyelik puqraliqqa qobul qilindi
gérmaniyede ötken yili puqraliqqa qobul qilinghanlar ichide süriyelikler birinchi orungha ötti.
türkiye awazi radiyosi xewiri: fédératsiye istatistika idarisi (Destatis) axbarat élan qilip, gérmaniye puqraliqigha qobul qilinghanlarning istatistikisi heqqide melumat berdi.
bayanatta, 2022-yili puqraliq salahiyitige érishken chetellikler sanining 2021-yildikige sélishturghanda %28 ashqanliqi, puqraliqqa qobul qilinghan 168 ming 545 kishi arisida süriyelikler sanining 48 ming 300 bilen birinchi orungha ötkenliki bildürüldi.
aldinqi yilgha sélishturghanda, puqraliq salahiyitige érishkenler sanining 37 ming kishi köpeygenliki, buning yéqinqi 20 yildin buyanqi eng yuqiri san bolghanliqi bildürülgen bayanatta yene, gérmaniye puqraliqigha qobul qilinghanlarning %29 ining süiyelikliklerdin teshkil tapqanliqi uqturuldi.
bayanatta 6810 iraqliq we 5600 ukrainaliqningmu gérmaniye puqraliqigha érishkenliki bildürüldi.
