پۇتىن ياۋروپا مۇنتىزىم ھەربىي قىسىملار ئەھدىنامىسىنى ئەمەلدىن قالدۇردى

تۈركىيە ئاۋازى رادىيوسى خەۋىرى: رۇسىيە پىرېزىدېنتى ۋىلادىمىر پۇتىن قارارنامە ئىمزالاپ، 1990- يىلى 11- ئاينىڭ 19- كۈنى فىرانسىيەنىڭ پايتەختى پارىژدا ئىمزالانغان «ئاككا»نىڭ ئەمەلدىن قالدۇرۇلغانلىقىنى جاكارلىدى.

ھەر قايسى تەرەپلەرنىڭ مۇنتىزىم ھەربىي قىسىملىرىغا چەكلىمە قويۇشنى مەزمۇن قىلغان «ئاككا»  ئەھدىنامىسى، شىمالىي ئاتلانتىك ئەھدى تەشكىلاتى — ناتو ۋە ۋارشاۋا شەرتنامىسىگە تەرەپ دۆلەتلەر ئوتتۇرىسىدا ئىمزالانغانىدى.

2015- يىلى رۇسىيە «ئاككا» دائىرىسىدە چاقىرىلغان يىغىنلارغا قاتنىشىشنى توختىتىشنى قارار قىلغانىدى.