israiliyede hökümetke qarshi namayishlar dawamlashmaqta
israiliye xelqi bash ministir bényamin nétanyahu bashchiliqidiki birleshme hökümetning edliye organlirining hoquqini cheklimige uchritidighan belgilime chiqarghanliqigha qarshi namayishlirini dawamlashturmaqta.
türkiye awazi radyosi xewiri: nétanyahu bashchiliqidiki ashqun ong qanat birleshme hökümetning edliye belgilimilirige qarshi her shenbe küni kechte keng kölemlik namayish ötküzüwatqan israiliye xelqi, namayishning 21-heptiside yene pütün memliket miqyasida meydanlargha chiqti.
tél awiw, gherbiy quddus, hayfa we birussebi qatarliq sheherlerdin bashlighanche pütün memliket miqyasidiki ondin atoq nuqtida onminglighan israiliyelik namayishqa qatnashti.
minglighan namayishchilar her heptidikige oxshash tél awiwning qaplan kochisidiki hökümet binasining aldigha yighildi.
qaplan kochisigha qurulghan munberde, jemiyetning oxshimighan qatlamliridin kelgen wekiller nutuq sözlidi, hökümetning edliye belgilimilirige qarshi démokratiyeni tekitlidi.
namayishta hökümetning edliye belgilimisidin bashqa yene, ayallargha qaritilghan zorawanliq we israiliyediki ereb puqraliri duch kelgen kemsitish qatarliq mesililergimu naraziliq bildürüldi.
مۇناسىۋەتلىك خەۋەرلەر
jyangsu ölkisidiki quyun apitide besh xitay öldi
xitayning jyangsu ölkiside yüz bergen quyun apitide besh xitay ölüp, töt xitay yarilandi.
