gollandiyediki namayishta 1579 kishi nazaretke élindi
gollandiye saqchiliri memuriy paytext laheyde qatmal yéqilghu ishlitishni toxtitish üchün namayish ötküzgen muhit asrash paaliyetchilirige su zembiriki ishlitip tarqitiwétishke urundi, 1579 kishini nazaretke aldi.
türkiye awazi radyosi xewiri: «yoqilish isyani» namliq muhit asrash guruppisining teshkillishi bilen bir yerge jem bolghan minglighan kishi, sheherning kirish éghizi bolghan A12 ning eng axirqi qismini taqap, qatnash liniyesining toxtap kétishini keltürüp chiqardi.
néfit, kömür we tebiiy gaz ishlitishni toxtitishni telep qilghan namayishchilar, hökümetning qatmal yéqilghu siyasitini tenqid qildi.
namayishchilar «qatmal yéqilghu sanaitige yardem bérishni toxtat», «dunyagha yaxshi muamile qil» we «qatmallashma exmeq» dégen lozunkilarni kötürüp uzunghiche yolda olturuwélip naraziliq bildürdi.
namayish ötküzülgen jayning namayish cheklengen rayon ikenlikini eskertken saqchilar, namayishning bashlinishi bilen teng namayishchilarni tarqitiwetmekchi boldi.
saqchilarning namayishchilargha su chéchip, agahlandurushigha qarimay yol we uning etrapidin ayrilmighanlar nazaretke élinip, ammiwi aptobuslar bilen rayondin yiraqlashturuldi.
lahey saqchiliri twittérda élan qilghan bayanatida, 1579 kishining nazaretke élinghanliqini bildürdi.
مۇناسىۋەتلىك خەۋەرلەر
pakistan: qarabagh ezerbeyjanning igilik hoquqluq zémini
pakistan qarabaghni ezerbeyjanning igilik hoquqluq zémini dep qaraydighanliqini élan qildi.
