baydin: rusiye – bélarusiye kélishimige qarita qarishim intayin selbiy
amérika qoshma ishtatliri pirézidénti jo baydin rusiye bilen bélarusiye otturisida imzalanghan taktikiliq yadro qoralliri kélishimige qarita qarishining «intayin selbiy» ikenlikini éytti.
türkiye awazi radiyosi xewiri: baydin aqsarayda muxbirlarning soallirigha jawab berdi.
u rusiye bilen bélarusiye otturisida imzalanghan taktikiliq yadro qoralliri kélishimige qandaq qaraydighanliqi toghrisidiki soalgha, «bu kélishimge qarita qarishim intayin selbiy» dep jawab berdi.
rusiye dölet mudapie ministiri sérgéy shoygu bilen bélarusiye dölet mudapie ministiri wiktor xrénén 25-may küni bélarusiyede taktikiliq yadro qorallirini orunlashturush toghrisidiki höjjetlerge imza qoyghanidi.
xrénén buning gherb döletlirining «dostane bolmighan» we «tajawuzchiliq» siyasitige bérilgen jawab ikenlikini tekitligenidi.
rusiye pirézidénti wiladimir putin martta bélarusiyege taktikiliq yadro qorallirini orunlashturidighanliqlirini bildürgenidi.
u yene, rusiye ilgiri bélarusiyege bergen «iskender» namliq yuqiri éniqliqtiki bashqurulidighan bomba sistémilirigha taktikiliq yadro qorallirining seplinidighanliqinimu sözlirige ilawe qilghanidi.
