adem méngisige özek orunlashturush réalliqqa aylinidu
amérikaliq karxanichi maskning igidarchiliqidiki néuralink shirkiti insanlarning méngisige özek orunlashturush layihesini sinaq qilishni bashlash üchün, amérika yémek-ichmek we dora nazaret qilip bashqurush idarisining testiqining élinghanliqini élan qildi.
türkiye awazi radiyosi xewiri: b b s ning xewiride bildürülishiche, néuralink shirkiti (Neuralink) twittér bétide bayanat élan qilip, ménge özek layihesining amérika yémek-ichmek we dora nazaret qilip bashqurush idarisi (FDA) ning testiq bergenlikining, «bir küni nurghun kishilerge yardem qilishni kapaletke ige qilidighan muhim qedem» ikenlikini bildürgen.
bayanatta, néuralink shirkiti xadimlirining amérika yémek-ichmek we dora nazaret qilip bashqurush idarisi bilen qoyuq alaqe qiliwatqanliqini, sinaq basquchidiki iltimaslar üchün zörür melumatlarni élan qilidighanliqi eskertildi.
néuralink shirkiti mezkur layihe arqiliq adem méngisige orunlashturulidighan mikro özeklerdin paydilinip palech we qarighu qatarliq nérwa kélselliklirini dawalash, méyiplarning turmush sewiyesini yuqiri kötürüshni nishan qilidu. buninggha munasiwetlik qilinghan tejribilerde, maymun méngisige orunlashturulghan özekler méngidiki signallarni muweppeqiyetlik halda analiz qilip, apparatqa yetküzgen idi.
