putin eliyéw we pashinyan bilen körüshti
rusiye pirézidénti wladimir putin ezerbeyjan pirézidénti ilham eliyéw we erméniye bash ministiri nikol pashinyan bilen paytext moskwada bir yerge jem boldi.
türkiye awazi radiyosi xewiri: putin krémil sariyida ötküzülgen ezerbeyjan – erméniye munasiwetliri yighini harpisida, ezerbeyjan pirézidénti ilham eliyéw we erméniye bash ministiri nikol pashinyan bilen ayrim - ayrim körüshti.
pirézidént putin uchrishishtin kéyin, üch rehber bir yerge jem bolghan yighinda échilish nutuqi sözlidi.
u teklipke binaen yighingha qatnashqan rehberlerge minnetdarliq bildürüp mundaq dédi: «bu yighinning biz uzundin buyan tekitlep kéliwatqan bezi mesililerning hel qilinishida türtkilik rol oynishigha tilekdashmen.»
bu formatsiyede chaqirilghan yighinlarda nurghun netijilerni qolgha keltürgenliklirini qeyt qilghan putin, toqunushlarning 2020-yili axirlashqanliqini, iqtisadiy we qatnash alaqisini ishqa kirishtürüsh, chégra liniyelirini belgilesh xizmitining bashlanghanliqini eskertip mundaq dédi: «bezi qiyinchiliq we saqliniwatqan mesililerge qarimay, omumiy mesililerni hel qilish yolida muhim xizmetler ishliniwatidu. bu xizmetlerdin biri qatnash alaqisini ishqa kirishtürüsh xizmiti hésablinidu. emma, téxnikiliq jehettin téxiche hel qilinalmighan mesililermu bar.»
rusiye, ezerbeyjan we erméniyening muawin bash ministirlirining bir heptidin kéyin bu mesililerni muzakire qilish, hemde hel qilish üchün bir yerge jem bolushini tewsiye qilghan putin, kéler hepte ötküzülidighan yighin üchün eliyéwwe pashinyan bilenmu birdeklik hasil qildi.
u bu heqte mundaq dédi: «bu téxi hel qilinalmighan mesililerning hel bolushi yolida ümid chirighi yandurghan bir kélishim boldi.»
üch terep yighini uda 20 minut dawamlashti.
مۇناسىۋەتلىك خەۋەرلەر
polsha: zéminimizgha yadro qorallirini orunlashturushqa teyyarmiz
polsha öz zéminigha yadro qorallirini orunlashturushqa teyyar ikenlikini bildürdi.
