jenubiy afriqada  «xoléra yuqumi» sewebidin nurghun adem öldi

türkiye awazi radiyosi xewiri: jenubiy afriqa gawténg ölkilik sehiye idarisining bildürüshiche, yéqinqi künlerde prétorya wilayitining  shimalidiki hammanskral rayonida «xoléra yuqumi» tarqalghandin buyan 29 kishi yuqumlanghan, bulardin 20 kishi hayatidin ayrilghan, «xoléra yuqumi» alametliri körülgen 179 kishi doxturxanigha orunlashturulghan.

jenubiy afriqa hökümitining bildürüshiche, bu rayondiki barliq su menbeliri tejribixanilarda tekshürülgen bolsimu, emma hazirgha qeder héchqandaq bir su menbeside «xoléra yuqumi» bayqalmighan.

jenubiy afriqa yuqumluq késellikler tetqiqat ornining bildürüshiche, «xoléra yuqumi» ning eng roshen alametliridin biri ichi sürüsh iken, shunga ichi sürüsh késelliklirining hemmisini «xoléra yuqumi» gumani bilen dawalash kérek iken.

igilinishiche, «wibrio» baktériyesidin kélip chiqidighan, yémeklik we su arqiliq tarqilidighan «xoléra yuqumi», qattiq ichi sürüsh we ussuzluqni keltürüp chiqiridiken.

eger  waqtida dawalanmisa, éghir aqiwetler kélip chiqidiken.