b d t jenubiy sudangha yardem bérishni toxtatti
birleshken döletler teshkilati dunya ashliq pirogrammisi insanperwerlik yardem aptomobil etritining hujumgha uchrishi sewebidin jenubiy sudandiki insanperwerlik yardem paaliyetlirini waqtinche toxtatti.
türkiye awazi radiyosi xewiri: birleshken döletler teshkilati bayanatchisi stéfan dujarrik kündilik muxbirlarni kütüwélish yighinida, b d t dunya ashliq pirogrammisining aptomobil etritining 23 – may küni motosiklit guruppisining hujumigha uchrighanliqini, hujum netijiside 100 xil yémeklik mehsulatlirini élip mangghan besh aptomobildiki yette tonna ashliqning, b d t ning jenubiy sudandiki ish béjirish ornining aldida bulang – talang qilinghanliqini éytti.
dujarrik buning birleshken döletler teshkilati dunya ashliq pirogrammisning bu yil (2023) kirgendin buyan jenubiy sudandiki üchinchi qétimliq hujumgha uchrishi ikenlikini tekitlep mundaq dédi: «birleshken döletler teshkilati dunya ashliq pirogrammisi üchün bu rayonda insanperwerlik yardem paaliyetlirini toxtitishtin bashqa chare qalmidi.»
u bu ehwalning 1 milyondin artuq kishige tesir körsitidighanliqini, jenubiy sudan nopusining %76 ining bu yil insanperwerlik yardimige mohtaj bolidighanliqining texmin qiliniwatqanlqinimu sözlirige ilawe qildi.
