péskow: ukrainagha ayropilan bérish aldinqi septiki weziyetni özgertelmeydu
rusiye pirézidéntliq mehkimisi — krémil bayanatchisi dimiriy péskow ukrainani F-16 küreshchi ayropilanliri bilen teminleshning aldinqi septiki weziyette négizlik özgirish peyda qilalmaydighanliqini otturigha qoydi.
türkiye awazi radiyosi xewiri: péskow paytext moskwada ukrainani F-16 küreshchi ayropilanliri bilen teminlesh mumkinchiliki heqqide toxtilip: «bu xeter nahayiti éniq. teminliniwatqan ilghar qoral sistémiliri we tiplirining sani künséri köpiyiwatidu. ayropilanlarning bérilishimu qarar qilinghan bolushi mumkin. bashqa qorallargha oxshash, bularmu aldinqi septiki weziyette tüptin özgirish peyda qilalmaydu» dédi.
péskow gherb döletlirining barghanséri küchlük shekilde toqunushqa arilishiwatqanliqini ilgiri sürdi.
dimitri pésko ukraina buzghunchiliq sélish guruppisining rusiyening bélgorod rayonigha kirishi toghrisida bolsa: «yüz bergen ishlar chongqur endishe peyda qildi. bu ukraina qoralliqlirining dölitimizge qarshi paaliyetlirini dawamlashturuwatqanliqini yene bir qétim ispatlidi. bu ehwal bizdin zor küch telep qilidu. kelgüside mushuninggha oxshash weqelerning aldini élish üchün dawamliq tirishimiz, alahide herbiy heriketlermu dawamlashmaqta» dégenlerni qeyt qildi.
