xitay bilen amérika otturisidiki özek riqabiti keskinlishishke bashlidi

xitay bilen amérika otturisidiki özek riqabiti keskinlishishke bashlidi؛ béyjing yéngi bir qedem tashlap, tunji qétim amérikaning bir shirkitini qara tizimlikke kirgüzdi.

1989826
xitay bilen amérika otturisidiki özek riqabiti keskinlishishke bashlidi

türkiye awazi radiyosi xewiri: xitay tor bixeterlikini tekshürüsh ishxanisi amérikaning özek ishlepchiqarghuchi shirkiti — mikronning xitayning muhim ul eslihe türlirini mehsulat bilen teminlishini cheklidi.

xitay tor bixeterlikini tekshürüsh ishxanisi bayanat élan qilip, mikron shirkitining mehsulatlirida xitayning muhim uchur ul eslihelirining teminlesh zenjirige ziyan yetküzüsh éhtimali bolghan éghir bixeterlik xewplirining bayqalghanliqini, bu ehwalning xitayning dölet bixeterlikige ziyan yetküzüsh mumkinchiliki barliqini uqturdi.

bayanatta, xitay shirketlirining mikrondin mehsulat sétiwélishni toxtitishi telep qilindi.

béyjingning bu qarari amérikaning özek ishlepchiqarghuchi shirkitining xitay bazirida emeliy cheklimige uchraydighanliqidin dérek béridu.

ikki dölet yéqindin buyan özek sahesidiki riqabet sewebidin pat - patla qarshiliship qalmaqta.

amérika hökümiti yéqinqi aylarda xitay shirketlirining yuqiri téxnikiliq özeklerge érishishining aldini alidighan qanuniy belgilimilerni chiqarghanidi.

hazirghiche amérikaning bu sahediki teshebbuslirigha qarshi qedem tashlimighan béyjing, tunji qétim bir amérika shirkitige qarshi emeliy qedem tashlighan boldi.


خەتكۈچ: #uyghurche , #özek , #amérika , #xitay

مۇناسىۋەتلىك خەۋەرلەر