seudi erebistan alem kémisini muweppeqiyetlik halda boshluqqa yollidi
seudi erebistanliq alem uchquchiliri eli qerni bilen reyyane bernawi olturghan alem kémisi — AX-2 muweppeqiyetlik qoyup bérildi.
türkiye awazi radiyosi xewiri: seudi erebistan xewer qanili «elixbariyye»ning twittérdiki adrésida élan qilinghan bayanatqa asaslanghanda, qerni bilen bernawi olturghan alem kémisi muweppeqiyetlik qoyup bérilgen bolup, xelqara alem bazisigha qarap ilgirilimekte iken.
seudi erebistan alem qatnishi idarisi ötken yilining séntebir éyida bayanat élan qilip, «2030- yilliq pilan» dairiside alem qatnishi pirogrammisining yolgha qoyulghanliqini, bu arqiliq alem qatnishi sahesidin paydilinish we bu sahediki tetqiqatlargha töhpe qoshushning nishan qiliniwatqanliqini otturigha qoyghanidi.
seudi erebistan alem qatnishi idarisining 14- féwraldiki bayanatida, reyyane bernawi bilen eli qernining AX-2 alem kémisi bilen alem boshluqigha yolgha sélinidighanliqi bildürülgenidi.
bayanatta, alem kémisining mushu yilning kéyinki yérimida amérikadin heriket qilishining qarar qilinghanliqi, pirogramma dairiside meryem firdews bilen eli elghamidi isimlik alem uchquchilirining alem boshluqi tetqiqatliri boyiche terbiyelinidighanliqi élan qilinghanidi.
