нигерийәдики қораллиқ һуҗумда 87 киши қаза қилди
нигерийә сақчилири платеу өлкисидә 15-майда йүз бәргән қораллиқ һуҗумда 87 кишиниң қаза қилғанлиқини билдүрди.
түркийә авази радйоси хәвири: платеу өлкилик сақчи идариси байанатчиси алабо алфред 15-майда фуңзай вә кубйат йезилириға қилинған һуҗумда 87 кишиниң қаза қилғанлиқини вә 39 кишиниң йариланғанлиқини елан қилди.
алфред йариланғанларниң өлкиниң охшимиған җайлиридики дохтурханиларда давалиниватқанлиқини билдүрүп, һуҗумға четишлиқ 7 кишиниң қолға елинғанлиқини әскәртти.
алфред қолға елинғанларниң керәклик тәкшүрүш ахирлашқандин кейин сотқа чиқирилидиғанлиқини уқтурди.
платеу өлкисигә қарашлиқ фуңзай вә кубйат йезилирида 15-майда кәчтә қораллиқ һуҗум йүз бәргән иди.
мвагавул тәрәққийат җәмийитиниң рәиси җосеф гванкат һуҗумда 125 кишиниң һайатидин айрилғанлиқини елан қилған иди.
дөләт мәтбуатлиридики хәвәрләрдә тәхминән 20 миң кишиниң өй-маканлирини ташлап, черкав, мәктәп вә очуқ йәрләрдә панаһланғанлиқи илгири сүрүлгән иди.
һуҗумдин кейин, өлкидә зораванлиқниң алдини елиш үчүн 24 саәтлик кочиға чиқиш чәклимиси елан қилинди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
