shimaliy koréye tunji herbiy jasusluq süniy hemrahining teyyar ikenlikini élan qildi
shimaliy koréye rehbiri kim jongun döletning tunji herbiy jasusluq süniy hemrahi jaylashqan muessiseni közdin kechürdi.
türkiye awazi radiyosi xewiri: hakimiyet béshidiki ishchilar partiyesige yéqinliqi bilen bilinidighan döletlik gézit «rodong sinmon» kim jongun we qizining tunji herbiy jasusluq süniy hemrahi jaylashqan muessiseni közdin kechürüwatqan chaghdiki resimlirini élan qildi.
shimaliy koréye resmiy xewer agéntliqi (KCNA) ning xewer qilishiche, herbiy jasus süniy hemrahi mutexesisler teripidin tekshürülgen we bir qisim sinaqlardin ötkendin kéyin rakétagha yükleshke teyyar ikenliki uqturulghan.
jenubiy koréye tashqi ishlar ministirliqi teripidin élan qilinghan bayanatta, shimaliy koréyening téxiche süniy hemrahning qoyup bérilishi toghrisida xelqara organlargha doklat yollimighanliqini we qoyup bérilgen teqdirde buning «rayonning tinchliqi we muqimliqigha tehdit bolidighanliqi» tekitlendi.
bayanatta, jasus süniy hemrahining qoyup bérilishige qarita, « shimaliy koréye hökümiti kishilerning qiyinchiliqlirigha sel qarash bilen bir waqitta, qanunsiz ighwagerchilikni dawamlashturush bilen aldirash ikenlikini yene bir qétim ispatlidi» déyildi.
shimaliy koréye 19-dékabirda tunji jasusluq süniy hemrahini tereqqiy qildurushning axirqi basquchi dep qaralghan sinaq xaraktérlik süniy hemrahini qoyup bergenlikini élan qilghan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
