русийә украинаниң «кинҗал» башқурулидиған бомбиси тоғрисидики байанатлирини рәт қилди

түркийә авази радийоси хәвири: министир шойгу русийәниң риа новости хәвәр агентлиқиниң «украинаниң <русийәниң алтә данә дәриҗидин ташқири тез учидиған кинҗал намлиқ башқурулидиған бомбисини етип чүшүрүвәткәнлики» тоғрисидики соаллириға җаваб бәрди.

у украинаниң мәзкур байанатини рәт қилип: «биз улар һәр қетим етип чүшүрүвәткәнликини елан қилғанчилик <кинҗал> намлиқ башқурулидиған бомба қойуп бәрмидуқ. буниңдин башқа, украина тосувалғанлиқини җакарлиған башқурулидиған бомба сани биз қойуп бәргән башқурулидиған бомбиларниң санидин үч һәссә көп. униң үстигә американиң мудапиә системисини кимниң башқуридиғанлиқи тоғрисидиму соал ишарәтлири бар» деди.

русийә дөләт мудапиә министирлиқи украинаниң пайтәхти кийевдики америка ишләпчиқарған «вәтәнпәрвәр» намлиқ һава мудапиә системисини йуқири сүрәтлик «кинҗал» башқурулидиған бомбисини ишлитип бомбардиман қилғанлиқини елан қилғаниди.

украина дөләт мудапиә министирлиқи болса, русийә армийәси қойуп бәргән алтә  данә «кинҗал» намлиқ башқурулидиған бомбини өз ичигә алған җәмий 18 рус башқурулидиған бомбисиниң һава мудапиә системилири тәрипидин етип чүшүрүветилгәнликини елан қилғаниди.

2022-йили 2-айниң 24-күни, русийә пирезиденти виладимир путинниң украинаға таҗавуз қилиш буйруқини чүшүрүши билән, русийә -украина уруши башлинип кәткәниди.

путин кийевниң шималий атлантик әһди тәшкилатиға әза болушиниң алдини елиш вә уни русийәниң тәсир даирисидә тутуп туруш үчүн, украинани һәрбийләштүрүп, натсистларни йоқитишни мәқсәт қилидиғанлиқини ейтқаниди.