zélénski xitayning rusiyeni qoral bilen teminlimeydighanliqini éytqanliqini bildürdi

türkiye awazi radyosi xewiri: ukraina pirézidénti zélénski italiyeni ziyaret qilghandin kéyin, gérmaniyege yétip bardi.

zélénski italiyediki uchrishishliri jeryanida, italiye dölet téléwiziyeside muxbirlarning soallirigha jawab berdi.

zélénskiy urushta rusiyege qarshi hujum üchün qetiy irade bilen teyyarliq qiliwatqanliqlirini, qisqa waqit ichide muhim qedemlerni tashlaydighanliqlirini we shundaq qilish iradilirining yuqiri ikenlikini bildürdi.

zélénskiy eger ukraina armiyesi qirim chégrasigha yétip barghan teqdirde, rusiyede pirézidént wladimir putingha bolghan qollashining aziyidighanliqini ilgiri sürdi.

zélénskiy xitay reisi shi jinping bilen élip barghan téléfon söhbiti üstide toxtilip, shining özige rusiyeni qoral bilen teminlimeydighanliqlirini we rusiyeni qollimaydighanliqlirini éytqanliqini bildürdi.

zélénskiy italiyediki uchrishishliri dairiside, pirézidént sérgiyo mattarélla, bash ministir giorgiya méloni we papa firanchis bilen körüshti. andin gérmaniyege yétip bardi.

gérmaniye dölet mudapie ministirliqi ukrainagha 3 milyard dollarliq herbiy eslihelerning ewetilidighanliqini élan qildi. urush meydanida bolsa, shiddetlik toqunushlar dawamlashmaqta.

rusiyening biryansk shehiride bir urush ayropilani we tik uchar étip chüshürüldi.

ukraina dölet mudapie ministirliqi baxmutta ikki yönilishte ilgirilesh bolghanliqini élan qildi.

bayanatta, sheher merkizidiki weziyetning téximu murekkep ikenliki bildürüldi.