йавропа иттипақи исраилийәниң ғәззәгә қаратқан һуҗумлиридин әндишә қиливатқанлиқини билдүрди

түркийә авази радийоси хәвири: йавропа иттипақи ташқи мунасивәтләр вә хәвпсизлик сийасәтлири али вәкили җосеп боррелниң ишханиси йазма байанат елан қилип, исраилийәниң түнүгүнки һава һуҗумлиридин кейин, йавропа иттипақиниң ғәззәдики җиддийликниң күчийип кетишидин чоңқур әндишә қиливатқанлиқини оттуриға қойди.

байанатта: «йавропа иттипақи балиларни өз ичигә алған пуқраларниң һайатидин айрилишидин чоңқур қайғурмақта вә хәлқара инсанпәрвәрлик қануниға һөрмәт қилишни тәләп қилмақта» дегән ибариләргә орун берилди.

байанатта, һәр қайси тәрәпләр соғуққанлиқни сақлап, тинчлиқни илгири сүрүш вә районниң муқимлиқиға капаләтлик қилишқа чақирилди.

исраилийә армийәси түнүгүн әтигәндә ғәззәдә һавадин һуҗум қилип, балилар вә айалларни өз ичигә алған 15 пәләстинликниң җениға замин болған, 22 кишиниң йарилинишини кәлтүрүп чиқарғаниди.

исраилийә қисимлириниң ийордан дәрйасиниң ғәрбий қирғиқидики наблус шәһиригә қилған һуҗумидиму 15 пәләстинлик йариланғаниди.