israiliye istixbarati teripidin tutup kétilgen mesjidi eqsaning imami qoyup bérildi
israiliye istixbarati teripidin héchqandaq delil-ispat körsetmestin soraqqa cheqirilghan mesjidi eqsaning imami we xetibi sheyx ikrime sabri «tekshürüshke qayta kélish we bir qisim ereb axbarat qanalliri bilen alaqilashmasliq» sherti bilen qoyup bérildi.
türkiye awazi radiyosi xewiri: sheyx sabrining adwokati xalid zebaraka muxbirlargha bu heqte qisqiche bayan élan qildi.
zebaraka sheyx ikrime sabrining pat arida élip bérilidighan tekshürüshke qatnishish üchün teyyar turishi we el-menar, elqesa we el-meyadin qatarliq üch xewer qanili bilen alaqe qilmasliq sherti astida qoyup bérilgenlikini bildürdi.
israiliye dairiliri bu heqte téxiche héchqandaq bayanat élan qilmidi.
sheyx sabrining ishxanisi teripidin élan qilinghan bayanatta, israiliye istixbarat orginining 8-may düshenbe küni téléfon qilip, sheyx ikrime sabrini soal soraqqa chaqirghanliqi bildürülgen idi.
bayanatta, soal soraqqa chaqirilishning sewebi toghrisida héchqandaq melumat bérilmigenliki bildürüldi.
israiliye armiyesi sabrining öyige köp qétim bésip kirip, uni soraqqa chaqirghan we sabrini mesjidi eqsadin uzaqlashturush jezasi bergen idi.
