хитай билән шималий корейә достанә мунасивитини күчәйтидиғанлиқини билдүрди
шималий корейә билән хитай достанә мунасивәтни күчәйтиш ирадисиниң қәтий икәнликини билдүрди.
түркийә авази радийоси хәвири: йонхап агентлиқиниң шималий корейә мәркизи хәвәр агентлиқи — KCNA ни мәнбә қилған бир хәвиридә, шималий корейә ташқи ишлар министири чо сонхүйниң хитайниң пйоңйаңда турушлуқ йеңи баш әлчиси ваң йачүнни қобул қилған учришишниң қизғин кәйпийат ичидә өткәнлики билдүрүлди.
хәвәрдә, шималий корейә ташқи ишлар министири чо билән баш әлчи йачүнниң учришиш җәрйанида, икки дөләт оттурисидики «тарихи вә достанә мунасивәтни тәрәққий қилдуруш ирадиси» ни оттуриға қойғанлиқи тәкитләнди.
ваң йачүн 4 - айда шималий корейәдики рәсмий вәзиписини башлиғаниди.
2021-йили 2-айда хитайниң пйоңйаңда турушлуқ баш әлчиликигә тәйинләнгән йачүн, ковид – 19 чәклимилири түпәйли аридин икки йил өткәндин кейин вәзипә өтәшни башлиғаниди.
хитай башқурулидиған бомба синақлири вә йадро пилани түпәйли хәлқара җәмийәтниң җазасиға дучар болуватқан шималий корейәниң әнәниви вә иқтисадий иттипақдиши һесаблиниду.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
