iranda bsaqchi istixbarat dériktori qoralliq hujumgha uchridi
iranning sistan-baluchistan ölkisige qarashliq serawan shehiride, bir yuqiri derijilik bixeterlik emeldari aptomobiligha qilinghan qoralliq hujum netijiside qaza qildi.
türkiye awazi radiyosi xewiri: iran döletlik téléwiziye istansisining xewirige asaslanghanda, sistan-baluchistan ölkisi saqchi idarisi bashliqi dost eli jelilyanning bildürishiche saqchi istixbarat dériktori eli riza shehreqining yolda kétiwatqan aptomobiligha namelum kishiler teripidin shu yerning waqti 07:10 de qoralliq hujum qilghan.
hujumda eli riza shehreqining qaza qilghanliqini tilgha alghan dost eli jelilyan aptomobilda olturghan ayaliningmu yarilanghanliqini we doxturxanigha balnéstqa élinghanliqini, ehwalining intayin éghir ikenlikini bildürgen.
jelilyan alahide etretlerning hujum qilghuchilarni bayqash we tutush xizmitini bashlighanliqini uqturghan.
مۇناسىۋەتلىك خەۋەرلەر
afghanistandiki kelkün apitide qaza qilghanlarning sani 300 din ashti
afghanistanning baghlan wilayitide yüz bergen kelkün apitide qaza qilghanlarning sani 300 din ashti.
