yawropa süriyege yürgüzüwatqan jaza tizimlikining dairisini kéngeytti

yawropa ittipaqi zeherlik chékimliklerni ishlepchiqirish we zeherlik chékimlik etkeschiliki bilen chétishliqi barliqini ilgiri sürgen 25 shexs bilen sekkiz organni süriyege qaratqan jaza tizimlikige kirgüzdi.

1979043
yawropa süriyege yürgüzüwatqan jaza tizimlikining dairisini kéngeytti

türkiye awazi radiyosi xewiri: yawropa ittipaqi kéngishi bayanat élan qilip, tizimlikke ilawe qilinghan kishi we orunlarning köpinchisining «kaptagon» qatarliq zeherlik chékimliklerni ​​ishlepchiqirish we uning etkeschiliki bilen shughullanghanlardin terkib tapqanliqini bildürdi.

zeherlik chékimlik ​​sodisining süriyediki hakimiyetning rehberlikide bir xil soda endizisige aylanghanliqi tekitlengen bayanatta, hakimiyet qatlimidiki kishilerning bu sodining netijiside béyighanliqi, bu sodining hakimiyetning kirim menbesi ikenliki, qolgha keltürülgen kirimning puqralargha séliniwatqan zulumning dawamlashturulushini kapaletke ige qilinghanliqi otturigha qoyuldi.

jaza tizimlikige kirgüzülgenler ichide beshshar esedning jiyenlirini öz ichige alghan esed jemeti ezaliri, hakimiyet küchliri bilen munasiwiti bar kishiler hemde beshshar esed ailisi we istixbarat (dölet bixeterlik idarisi)qa yéqin bir qisim sodigerlerning barliqigha isharet qilinghan bayanatta, süriyede paaliyet élip bériwatqan «eljabal», «kastl (qele)» we «aman» qatarliq xususiy bixeterlik we qoghdash shirketliri we ular bilen chétishliq kishilerningmu tizimlikke kirgüzülgenliki qeyt qilindi.

bayanatta, yawropa ittipaqining süriyege munasiwetlik jaza tizimlikige rusiyening inzhénérliq we qurulush shirkiti — storytrangaz bilen esed hakimiyiti néfit ministirliqi teripidin kontrol qilinidighanliqi bildürülgen «gékofam» isimlik ​​bir shirketningmu hakimiyetni qollighanliqi üchün jaza tizimlikige kirgüzülgenliki bildürüldi.

bu qétimqi toluqlashlarni qoshqanda, yawropa ittipaqining süriyege qaratqan jaza tizimlikidiki kishiler sani 322 ge, organ yaki shirketler sani 81 ge yetti.

bu jazalar mal - mülüklerni tonglitish, sayahet qilish we meblegh yürüshtürüshni cheklesh qatarliqni öz ichige alidu.


خەتكۈچ: #uyghurche , #jaza , #süriye , #yawropa

مۇناسىۋەتلىك خەۋەرلەر