borrél sudandiki yawropaliqlarni tarqaqlashturush xizmetlirige yuqiri baha berdi
yawropa ittipaqi tashqi munasiwetler we xewpsizlik siyasetliri ali wekili josép borrél toqunushlar dawam qiliwatqan sudandiki yawropa döletliri puqraliri we diplomatlirini tarqaqlashturush tirishchanliqining «mölcherdikidin»mu utuqluq bolghanliqini éytti.
türkiye awazi radiyosi xewiri: ali wekil josép borrél liyuksémburgda ötküzülgen yawropa ittipaqigha eza döletlerning tashqi ishlar ministirliri yighinidin kéyin, muxbirlarning soallirigha jawab berdi.
u sudandiki puqralar we diplomatlarni tarqaqlashturush xizmitidin qandaq sawaq alghanliqi toghrisidiki bir soalgha jawab bérip, yawropa ittipaqigha eza döletlerning tarqaqlashturush jeryanida toluq masliship heriket qilghanliqini, buning kirizis merkizining yardimide royapqa chiqirilghanliqini éytti we sözini dawamlashturup: «bu bir zor muweppeqiyet. ochuq qilip éytqanda, bu méning oylighinimdin éship ketti. ikki künde 30 qétim ayropilan qatnidi. men bundaq qisqa waqit ichide bu ishlarni qilalaymiz dep oylapmu baqmighanidim» dégenlerni qeyt qildi.
bir künde texminen 1500 kishining tarqaqlashturulghanliqini bildürgen borrél, buning birlikte heriket qilghanda, némilerni royapqa chiqarghili bolidighanliqini körsitip bergenlikini éytti.
