putin muhemmed bin selman bilen téléfonlashti

türkiye awazi radiyosi xewiri: rusiye pirézidéntliq mehkimisi — kiréml bayanat élan qilip, pirézidént putin bilen shahzade muhemmed bin selmanning téléfon söhbiti ötküzüp, ikki dölet munasiwitini muzakire qilghanliqini uqturdi.

ikki döletning iqtisad, soda we énérgiye sahesidiki hemkarliqini kéngeytishning muhimliqi tekitlengen söhbet jeryanida, terepler néfit éksport qilghuchi döletler teshkilati — opék we opék sirtidiki bezi néfit ishlepchiqarghuchi döletlerdin terkib tapqan opék+ teshkilati ramkisidiki maslishishtin memnunluqini tilgha élip ötkenliki qeyt qilindi.

téléfon söhbiti jeryanida yene, rusiye bilen seudi erebistanning kirizislerni hel qilish tirishchanliqini arqa körünüsh qilghan halda ottura sherqning nöwettiki weziyiti heqqide pikir almashturuldi.

putin söhbet esnasida seudi erebistan hökümiti we xelqining roza héytini tebriklidi.