makron firansiyede küchlük naraziliqlarni peyda qilghan pinsiyonérliq islahatini aqlidi

türkiye awazi radiyosi xewiri: firansiye pirézidénti émanuél makron téléwiye nutuqida, dölet miqyasida ötküzülgen pinsiye yéshini 62 yashtin 64 yashqa chiqirish islahatigha qarshi namayishlar heqqide toxtaldi.

u islahat keltürüp chiqarghan ghezepni anglighanliqini, emma bu belgilimining zörür ikenlikini bayan qilip: «köpchilikning pénsiyege chiqishigha kapaletlik qilish üchün bu özgirishlerge éhtiyaj bar idi» dédi we sözini dawamlashturup, téximu uzun xizmet qilishning pütkül dölet üchün téximu zor güllinish élip kélidighanliqini otturigha qoydi.

mal bahasining öskenliki we kirimning nurghun fransiyeliklerning yaxshi turmush kechürüshige yol qoymaywatqanliqini bildürgen makron, sözining döletning namayish we ish tashlash dewridin yiraqlishishigha yardem qilishini ümid qilidighanliqini éytti.

hökümetning pénsiye yéshini 62 yashtin 64 yashqiche chiqirishni öz ichige alghan qanun layihesini awazgha qoymastinla parlaméntning maqulluqidin ötküzüsh q qararidin kéyin, 16- mart firansiyede keng kölemlik namayishlar bashlinip ketkenidi.

firansiyede 16- marttin buyan dawamlishiwatqan namayishlarda 1000 din artuq adem qolgha élindi.