mesjidi eqsagha hujum qilish dawamlashmaqta
israiliye saqchilirining himayiside nechche onlighan esebiy yehudiylar ishghal astidiki iyordan deryasining gherbiy qirghiqigha jaylashqan mesjidi eqsagha bésip kirdi.
türkiye awazi radiyosi xewiri: esebiy yehudiylar 5-apréldin 13-aprélghiche dawamlishidighan pasxa bayrimi sewebidin mesjidi eqsagha hujum qilishni dawamlashturmaqta.
shahitlarning bildürüshiche, esebiy yehudiylar mesjidi eqsagha bésip kirishtin ilgiri köp sanda israiliye saqchiliri mesjidi eqsaning oxshimighan rayonlirigha orunlashturulghan, ularning beziliri mesjidi eqsaning ögzisige chiqqan.
esebiy yehudiylar israiliye saqchilirining qoghdishi astida megharibe derwazisidin mesjidi eqsagha bésip kirgen.
israiliye dölet xewpsizlik küchliri yene 50 yashtin töwen pelestinliklerning bamdat namizi üchün mesjidi eqsagha kirishige yol qoymighan. nechche on pelestinlik bamdat namizini sirtta, herem derwazisi yénida oqughan.
esebiy yehudiylarning hujumi dawamida mesjidi eqsadiki pelestinlikler tekbir éytip hujumgha naraziliq bildürgen.
